Gofalu am eich lles yr haf hwn: awgrymiadau i athrawon a staff addysg
Mae angen gwyliau'r haf ar athrawon a staff addysg i ymlacio ac i fagu nerth newydd. Mae ein Cyfarwyddwr Rhaglenni, Faye McGuinness, yn amlinellu rhai ffyrdd syml o ofalu am eich lles yn ystod y gwyliau.
Articles / 2 mins read
Mae angen gwyliau'r haf ar athrawon a staff addysg i ymlacio ac i fagu nerth newydd. Mae ein Cyfarwyddwr Rhaglenni, Faye McGuinness, yn amlinellu rhai ffyrdd syml o ofalu am eich lles yn ystod y gwyliau.
Pan fyddwn yn siarad am hunanofal unigolyn, gall wneud i lawer ohonom rolio ein llygaid.
Rydym yn cydnabod bod athrawon a staff addysg yn gweithio o fewn amgylchedd ysgol a system addysg nad yw’n aml yn ffafriol i iechyd meddwl da.
Mae penderfyniadau yn y gweithle, polisi cenedlaethol i gyd yn cael effaith arnom ni, ac maent allan o'n rheolaeth. Rydym yn deall bod y cyngor hunanofal a roddwn yn bodoli yn y cyd-destun heriol hwn.
Er gwaethaf hyn, gallwch barhau i gael effaith gadarnhaol ar sut rydych chi'n teimlo, o un eiliad i'r llall.
"Mae athrawon a staff addysg yn gweithio mewn system addysg sydd yn aml ddim yn ffafriol i iechyd meddwl da."
Awgrymiadau ymarferol i'ch helpu i ofalu am eich lles dros wyliau'r haf:
- Defnyddiwch ein Hofferyn cylch rheolaeth, dylanwad a phryder
Bydd ein hofferyn yn helpu i ystyried yr heriau rydych yn eu hwynebu a meddwl sut y gallwch ymateb iddynt. Gall yr heriau fod yn gysylltiedig â'ch gwaith neu'ch bywyd personol.
- Rhowch amser i chi'ch hun boeni!
Rhowch amser penodol i chi'ch hun gydnabod a phrosesu eich pryderon. Sicrhewch fod terfyn ar yr amser hwn i boeni fel nad ydych yn canolbwyntio ar eich pryderon drwy'r dydd, bob dydd.
- Gwnewch gynllun gweithredu lles
Cynlluniwch beth rydych chi'n mynd i'w wneud i ofalu amdanoch chi'ch hun yn ystod yr haf. Ystyriwch eich iechyd meddwl, corfforol, emosiynol ac ysbrydol.
- Beth yw eich gweithredoedd lles nad ydynt yn agored i drafodaeth?
Beth yw'r gweithredoedd y byddwch chi'n eu gwneud, ni waeth beth fydd yn digwydd. Dylai'r gweithredoedd hyn eich cadw'n gytbwys a'ch helpu i deimlo'n dda. Gallai fod yn ymarfer corff rheolaidd, amser i fwynhau hobi neu drefn syml sy'n eich helpu i drefnu'ch amser.
Rhannwch y rhain gyda'ch cydweithwyr, ffrindiau a theulu fel bod pawb yn deall eich bod yn cadw at y drefn hon.
- Dechreuwch eich diwrnod yn dda
Dechreuwch eich diwrnod yn dawel gyda myfyrdod, bod ym myd natur neu ymarferion anadlu. Byddwch yn ofalus o newyddion, gormod o dechnoleg a chaffein!
- Gwnewch wiriad lles wythnosol
Gwiriwch eich iechyd meddwl. Gofynnwch i chi'ch hun sut rydych chi'n teimlo'n feddyliol ac yn gorfforol? Ydych chi'n gofalu am eich lles o ran ymarfer corff, maeth, cwsg? Sut mae eich meddyliau yn gwneud i chi deimlo?
Yn olaf, peidiwch ag anghofio bod ein llinell gymorth yma i chi drwy gydol yr haf.
Pan fyddwch chi'n ffonio, byddwch chi'n siarad â chynghorydd cymwys. Byddwn yn cynnig cymorth emosiynol cyfrinachol ar unwaith i chi.
7 tips to look after your wellbeing over the summer poster (English language)
Don’t wait for a crisis to call.
We’ll offer you immediate, emotional support.
08000 562 561
Our confidential grants service is here to help you manage money worries.
Everyone occasionally needs help. Our friendly, experienced team is here to support you.
Are you a headteacher or deputy headteacher? Would you like to access services focussed on improving your mental health and wellbeing?
