Gofalu am ein cwsg
Mae’r gweminar am ddim yn cynnig cyfoeth o awgrymiadau ymarferol a gwybodaeth yn seiliedig ar ymchwil i athrawon a staff addysg ar sut i gefnogi cwsg a llesiant yn gyffredinol.
Videos / 60 mins watch
Gwyddom o'n Mynegai Llesiant Athrawon diweddaraf fod staff ysgolion yn profi mwy o symptomau iechyd meddwl gwael. Yn ôl y mynegai, yr un mwyaf cyffredin o’r rhain yw insomnia, gyda 57% o uwch arweinwyr, 51% o athrawon ysgol a 48% o staff cymorth yn dweud mai hwn yw’r symptom amlycaf. Gwyddom fod gan gwsg gwael ystod o sgil-effeithiau, er enghraifft ar lefelau siwgr yn y gwaed, a’i fod ynddo’i hun yn cyfrannu at broblemau iechyd meddwl.
Er mwyn helpu i fynd i'r afael â rhai o'r materion hyn, cynhaliwyd gweminar 'Looking after our sleep' yn cynnwys Kerry Davies o Sleep Charity. Rhannodd gyfoeth o awgrymiadau ymarferol a gwybodaeth yn seiliedig ar ymchwil ar sut i gefnogi cwsg a llesiant cyffredinol.
Dyma rai o'r pynciau allweddol a drafodwyd:
- Pam mae athrawon a staff addysg yn profi lefelau uwch o insomnia ar hyn o bryd?
- Beth yw effaith diffyg cwsg ar ein hiechyd a'n llesiant?
- Pa strategaethau ymarferol allwch chi eu defnyddio ar hyn o bryd i wella’ch cwsg fel athro neu aelod o staff addysg?
"Diddorol iawn. Diolch yn fawr...byddwn wrth fy modd yn cael sesiwn arall!"Myychwr Gweminar
Gweminar o bwys i athrawon a staff addysg sy'n profi cwsg gwael neu sydd eisiau cefnogi cydweithwyr gyda'u problemau cysgu eu hunain. Gwyliwch nawr:
Awgrymiadau da ar gyfer gwella’ch cwsg
1
Pylwch y golau
Mae pylu’r goleuadau 2 awr cyn amser gwely yn helpu’ch ymennydd i gynhyrchu melatonin (y 'cemegyn cysgu') gan gynyddu awydd cwsg. Yn yr un modd, bydd troi’r gwres i lawr a gostwng tymheredd craidd eich corff yn eich helpu i syrthio i gysgu.
2
Diffoddwch bethau
Gall gormod o amser sgrin, yn enwedig cyn y gwely, gyfrannu at anhawster wrth syrthio i gysgu. Ceisiwch gyfyngu ar y teledu a'r cyfryngau cymdeithasol cyn mynd i'r gwely er mwyn osgoi syrthio i 'dwll sgrolio'.
3
Mwynhewch y gwawrio
Mae amlygiad i ddim ond 4 munud o olau'r haul y peth cyntaf yn y bore yn atal melatonin (y 'cemegyn cwsg’) yn ein cyrff ac yn rhoi hwb i'n 'hormonau dydd' (cortisol).
4
Gosodwch drefn ddyddiol
Bydd diffyg trefn arferol yn effeithio ar eich rhythm circadian (cloc cysgu). Mae'n bwysig iawn dweud wrth eich corff beth i'w wneud a phryd i'w wneud. Bydd bwyta a mynd i gysgu ar yr un pryd bob dydd yn helpu i reoleiddio cloc cysgu.
5
Cyfyngwch ar eich cymeriant
Dylech osgoi caffein 8 awr a bwyd 2 awr cyn cysgu. Er y gall alcohol eich helpu i syrthio i gylch cysgu dwfn yn gynt, mae’n dwyn eich cwsg breuddwydion sy'n hanfodol ar gyfer eich iechyd meddwl a'ch llesiant.
5
Crëwch noddfa gysgu
Dylai eich ystafell wely fod yn noddfa gysgu. Os yw'n bosibl, ceisiwch beidio â gweithio o'ch amgylchedd cysgu - neu o leiaf peidiwch â marcio llyfrau o'r gwely! Crëwch ardal weithio ar wahân a buddsoddi mewn matres gyfforddus os oes posib.
Don’t wait for a crisis to call.
We’ll offer you immediate, emotional support.
08000 562 561
Our confidential grants service is here to help you manage money worries.
Everyone occasionally needs help. Our friendly, experienced team is here to support you.
