Gosod ffiniau: canllaw i staff mewn ysgolion

Mae dysgu sut i osod a chadw ffiniau clir yn rhan hanfodol o weithio mewn ysgol.

Mae staff yr ysgol yn ofalgar a chydwybodol, felly gall fod yn hawdd canfod eich hun yn dweud ie i bob cais. A yw hyn bob amser er eich lles gorau chi?

I fod y gorau i'ch myfyrwyr, mae angen i chi fod y gorau i chi. Ni fydd hynny’n digwydd heb osod ffiniau i’ch helpu i ddod o hyd i gydbwysedd iach sy’n cynnwys perfformiad proffesiynol y gallwch chi fod yn falch ohono, yn ogystal â hunanofal i osgoi straen a lludded.

Gall fod yn heriol dweud na os nad ydych wedi arfer ag ef. Ac eto mae dysgu dweud na yn y ffordd gywir, yn rhan hanfodol o fod yn athro da a chynnal eich llesiant eich hun. Mae'r un peth yn wir am y rhai sy'n gweithio mewn rolau cymorth. Trwy ddiffinio'r hyn y gallwn ac na allwn ei wneud, rydym yn gwarchod ein hynni fel y gallwn fod yn effeithiol pan fydd ein hangen fwyaf. Heb ffiniau, gall bod yn agored ac ar gael eich gorlethu a'ch gorweithio'n gyflym. Rhaid i ysgolion gofio bod angen ffiniau ar bob aelod o staff ysgol, yn enwedig gan fod eu hamser a'u hegni yn cael effaith mor uniongyrchol ar fyfyrwyr.

Cofiwch, nid yw’r ffaith bod ysgolion yn y DU dan bwysau sylweddol yn golygu bod yn rhaid i staff fod hefyd.